TODO TEN UN PRINCIPIO E UN FIN.

Outubro de 2013

Este mes de Outubro de 2013 cúmprense 10 anos desde que os compoñentes orixinarios do que sería MencerVermello empezamos a xuntarnos nun garaxe para dar saída á mestura entre as nosas inquedanzas musicais e, sobre todo, ideolóxicas, que nunca ocultamos. Aínda que non sería ata un ano despois, Outubro do 2004, cando nos subiriamos por primeira vez a un escenario enarbolando a bandeira do proletariado e sen imaxinar naquel entón que durariamos tantos anos como grupo.

Unha demo no 2005 deunos máis a coñecer, e un tempo despois viría a gravación de dous traballos en estudio.

Unha chea de experiencias de todo tipo, sen dúbida, enriquecéronnos tanto no plano persoal coma no plano político-ideolóxico.

Sempre lembraremos, tamén, que formamos parte do Rock Proletario Internacional, que serviu para espallar a nosa convicción marxista-leninista por todos os recunchos do mundo e aglutinar a máis bandas en torno á ideoloxía do proletariado.

Nos últimos anos, centrados en fabricar novos temas, as idas e vidas de distintos membros do grupo foi o que máis mela fixo na posibilidade de continuar co que debería ser o desenvolvemento natural da banda. Pese ás tentativas de substitución dalgúns membros, non fomos quen de darlle o impulso que nos tería gustado, sen perder a esencia que nos caracterizou sempre, e se tomou a dura decisión de que sería mellor dar paso a outras iniciativas.

É por isto que eliximos a significativa data de OUTUBRO, que reflexa ben o noso espírito revolucionario, para facervos partícipes da nosa despedida como Mencer Vermello. Sabemos que algúns pusilánimes se aledarán, e tamén sabemos que será unha triste nova para as amizades e camaradas que fixemos ao longo de todos estes anos. Mais todo ten un principio e un fin.

Informarvos de que algúns de nós seguiremos noutros proxectos musicais. Algúns mesmo xa están en marcha.

O que si está claro é que foi un orgullo formar parte de Mencer Vermello, algo que levaremos tatuado toda a vida.

Grazas a quen fixo posíbel todo isto desde os seus inicios, a quen ficou ao noso lado e nos apoiou nas duras e nas maduras. Foi un verdadeiro pracer contar con todas e todos vós.

A loita da clase obreira polo socialismo-comunismo continúa, e algún día chegará o noso ansiado MENCER VERMELLO.

Ferrolgrado, Outubro 2013.

MENCER VERMELLO
Rock Proletario Galego

RECOPILATORIO RUIDO ANTI-REPRESSIVO

_______________________________________________________

(parte dianteira) 

(parte traseira)

_______________________________________________________

CD

DEMO EN DIRECTO

ESGOTADO. 

De balde coa revista catalana ENDERROCK do mes de outubro de 2008

_______________________________________________________

 

_______________________________________________________

 

_______________________________________________________

ESGOTADA